சுகாதாரத்தில்

ict இன் அபிவிருத்தியின் காரணமாக சுகாதாரப் பகுதியும் பல்வேறு அம்சங்களில் அபிவிருத்தியடைந்துள்ளது. தேவையற்ற பிரயாணத்தைக் குறைத்து வீட்டிலிருந்தவாறே வைத்தியரோடு தொடர்புகொள்ளும் வசதியினால் நோயாளியின் வாழ்வை இலகுபடுத்தியிருக்கிறது. வைத்தியர்களுக்கு குணங்குறியறிதல் மற்றும் வைத்திய பரிசோதனை என்பன இலகுவானதாகவும் நம்பிக்கைக்குரியதாகவும் உள்ளன. தேசிய சுகாதாரத்திட்டத்தின் நோக்கங்களை அடைய மூலோபாய தொடக்கங்களை நிலைநாட்டுவதால் வைத்தியசாலை மற்றும் ஆட்சிப்பகுதி சேவைகளைக் கணினிமயப்படுத்த ict ஆனது செய்ற்றிட்டங்களில் நிர்வாகங்களுடன் (வைத்தியசாலைகள், உள்ளக மற்றும் பிரதேச சுகாதார நிறுவனங்கள்) கூட்டிணைந்து செயற்படுகின்றது. வைத்தியக்கல்வியை அடிப்படையிலே மாற்றியிருக்கிறது. பெரிய வைத்தியசாலைகள் ict தொகுதிகளை, கணக்கு வழக்குகள், எண்ணியப்படுத்திய கதிர்படவியல், ஆய்வுகூட அனுப்பாணை (Orders), கிரமமாக்கல் மற்றும் அறிக்கைப்படுத்தும் தொகுதிகள், இலத்திரன்மய நோயாளர் பதிவுத் தொகுதிகள் போன்றனவற்றைச் செயற்படுத்த உபயோகிக்கலாம். இவைகள் யாவும் இப்போது வைத்தியசாலைகளின் செயற்பாட்டினோடு இணைந்த பகுதியாக மாறியிருக்கின்றன. எல்லா ஆய்வுகூடங்களும் கணினி மயப்படுத்தப்பட்டுள்ளன என்பதை அவதானிக்க முடியும். எண்ணிய கதிர்ப்படவியலானது கணினி உதவியுடனான Tomography (CAT) நுண்ணாய்வுடன் ஆரம்பித்தது. காந்தவியல் பரிவு நிழற்படமாக்கல் (Magnetic Resonance Imaging - MRI) என்பதும் பொது எண்ணிய நிழற்படமாக்கலும்
(Digital Imaging) பரந்த அளவில் பயன்படுகின்றன. அத்துடன் கதிர்ப்படவியலில் படலத்தின் அவசியம் தேவைப்படாதநிலை வந்துள்ளது. எண்ணிய நிழற்படுத்தல் மிகுந்தளவு அனுகூலங்களுடையது. நிழற்பட உருவங்கள் கிரமப்படுத்தப்பட்டு, மேம்படுத்தப்பட்டுப் பகுப்பாய்வுக்கு உட்படுத்தப்படலாம். அவைகள் விரைவாக வைத்தியசாலைக்குள் பல்வேறு தானங்களிலிருந்து பார்க்கப்படவும் கூடும். அல்லது தூர இடங்களிலிருந்தும்கூட அவதானிக்கப்பட இயலும். முன்பு எடுக்கப்பட்ட சில தீர்மானங்கள் மாற்றப்படக்கூடியதாக இருந்திருக்கலாம். அத்துடன் தோல்விக்கான சாத்தியமும் அதிகமாக இருந்தது. ஆனால் புதிய கருவிகளின் உபயோகத்தினால் அவ்விதமான தன்மைகள் குறைந்துவிட்டன. ict ஆனது வைத்தியத்தில் தகவல்களை அடையும் வழியையும் மாற்றியுள்ளது. இருபது வருடங்களுக்கு பின்பு வைத்திய நூலகத்தில் ஒரு தலையங்கத்தில் உள்ள பிரசுரிக்கப்பட்ட பொருளைப்பற்றிய தகவலைப்பெற சில நாட்கள் தேவையாயிருந்தன. இப்போது சில நிமிடங்களில் ஒரு உடனிருக்கும் தரவுத்தளத்தின் வழியாக பலவருடங்களுக்கு முன்பாக ஆராய்ச்சி நிறைவு பெற்ற தகவல்களைப் பெற முடியும். HIV, புற்றுநோய் மற்றும் உடலுறுப்பு மாற்றம் செய்யும் மருந்து போன்ற உயிர்காக்கும் மருந்து வகைகளில் ஒரு புதிய புரட்சிகரமான தொகுதிகளும் வெளிவந்த வண்ணம் உள்ளன.